کورنيو او نړيوالو سازمانونو ته اعتبارليک ورکول

کتونکي سازمانونه (ټولنې) د ټاکنو د بشپړتيا، روڼتيا او مشروعيت په ډاډه کولو کې يو مهم عنصر دى. د دې لپاره چې د ټاکنو د بهير مختلف پړاوونه وکتلاى شي، کتونکو سازمانونو ته بايد د انتخاباتو د تنظيم ګډ دفتر له خوا باورليک ورکړل شي.

هغه کورني سازمانونه چې په افغانستان کې مېشت او ثبت دي کولاى شي د اړتيا وړ اسنادو په سپارلو د انتخاباتو د تنظيم د ګډ دفتر يو له ٣٤ ولايتي دفترونو او يا د انتخاباتو د تنظيم د ګډ دفتر مرکز ته په کابل کې د باورليک اخيستلو لپاره مراجعه وکړي.

نړيوال او غيردولتي سازمانونه د يو نړيوال مقصد سره کولاى شي په مستقيمه توګه د باورليک ورکونې له څانګې سره د اړيکې په نيولو د: accreditation@unops.org.af برېښناليک له لارې د کابل مرکزي دفتر ته د باورليک اخيستنې او ثبت لپاره مراجعه وکړي.

هر سازمان (ټولنه) بايد د اړيکو يو مامور وګماري کوم ته چې دا واک ورکړل شوى وي چې د سازمان د باورليک اخيستنې او د کتونکو د نوم ليکنې لپاره يې مراجعه وکړي او د انتخاباتو د تنظيم د ګډ دفتر له دارالانشاء سره د ټاکنو د کتونکو پورې د ټولو تړلو پېښو په اړه د اړيکه لرونکي په توګه کار وکړي.

د کتونکو د ټولنو باورليک ورکول

د دې لپاره چې د کتونکې ټولنې په توګه باورليک ورکړل شي، يو سازمان بايد:

• د د ټولنې د باورليک ورکولو (A01) ورمه د انتخاباتو د تنظيم د ګډ دفتر د دارالانشاء په يو له ٣٤ ولايتي دفترونو او يا د انتخاباتو د تنظيم د ګډ دفتر مرکزته په کابل کې وسپاري.
• داسې اسناد وسپاري چې د سازمان د وړتيا تصديق کوي (غيردولتي سازمان بايد د ملي اقتصاد له وزارت سره او ټولنيز سازمان بايد د عدليې له وزارت سره ثبت شوى وي).

د کتونکو نوم ليکنه

د اړيکو مامور بايد د هر اهفرادي کتونکي لپاره لاندې اسناد وسپاري:

• د انتخاباتو د تنظيم د ګډ دفتر دارالانشاء ته د کتونکى/د نوم ليکنې د استازى (A02) فورمه غوښتنليک سپارل د کومې له لارې چې نوموړي سازمان ته باورليک ورکړل شوى و.
• د انتخاباتي کتونکو، سياسي ګوندونو او کانديدانو د استازو لپاره اسليک شوى کړندود.

د ټولنې د اړيکو مامور کېداى شي دا اسناد په خپله د انتخاباتو د تنظيم د ګډ دفتر د دارالانشاء په يو د ٣٤ ولايتي دفترونو او يا د انتخاباتو د تنظيم د ګډ دفتر مرکز ته په کابل کې وړاندې کړي. د ټولنې د باورليک(A01) فورمه او د کتونکو/استازو د نوم ليکنې (A02) فورمه او يا له دې وېب پاڼې څخه راښکته شوې فورمو سکېن شوې بڼې د مل په بڼه د برېښناليک (accreditation@unops.org.af) او يا د فکس (+93(0) 70 106 175) له لارې واستوئ. که د برېښناليک او يا فکس له لارې مراجعه کوئ، دا ډاډه کړئ چې د ټولو اړتيا وړ اسنادو ټولې کاپيانې هم ولېږدول شي.

د وړاندې ټولو معلوماتو لپاره، لطفاً په کابل کې د انتخاباتو د تنظيم د ګډ دفتر په مرکز کې د باورليک ورکونې له څانګې سره اړيکه ټينګه کړئ (accreditation@unops.org.af).

لطفاً د انتخاباتي کتونکو او سياسي ګوندونو او د کانديدانو د استازو قوانينو ته مراجعه وکړئ او يا د وړاندې معلوماتو لپاره په کابل کې د انتخاباتو د تنظيم د ګډ دفتر په مرکز کې د باورليک ورکولو له څانګې سره اړيکه ټينګه کړئ (accreditation@unops.org.af).