د جنسيت څانګه ( يونټ) د دې لپاره کارکوي چې د جنسيت پورې اړوند موضوعګانې د ښځينه کانديدانو، ښځينه رايې ورکوونکو او هغو سازمانونو له لارې چې د دوئ سره د راتلونکو ولسي جرګې او ولايتي شوراګانو د ټاکنو په چمتوالي کې کارکوي، بيان کړي. د جنسيت څانګه د تعليم پر اساس د جنسيت اړوندو موضوعګانو، ښځينه سازمانونو، ښځينه شبکو او افغانستان کې د جنسيت ماهرانو ته وده ورکوي ترڅو د ټاکنو په بهير کې د ښځو د ګډون ملاتړ وکړي. زمونږ د کار يوه بڼه دا ده چې د جنسيت او ټاکنو په هکله دمخامخ پېغام رسونې لارښود برابر کړو. تردې دمه مونږ د عامه اړيکو، د روزلو او وړتياو لوړولو او د انتخاباتو د تنظيم د ګډ دفتر دارالانشاء نورو څانګو سره په ګډه کار کوو.

همدارنګه مونږ د ښځو د چارو وزارت او په ولايتي کچه د هغې اړوندو ادارو سره نژدې اړيکې او هماهنګي لرو. د جنسيت څانګه د ملګرو ملتونو د نورو ادارو د جنسيت کارپوهانو سره په ګډه کار کوي ترڅو په ټاکنو کې د ښځو ګډون او بېلابېلو روزنو او د ټاکنيزو فرصتونو پورې د هغوئ لاس رسي ته وده ورکړي.