د انتخاباتو د تنظيم ګډ دفتر يوه خپلواکه اداره ده چې افغانستان کې د انتقالي مودې په جريان کې د انتخاباتي پروسو د اجراء ، تنظيم او څارلو اختيار لري . د انتخاباتو د تنظيم ګډ دفتر د پاليسۍ لارښود ټکود ټاکلو، کړنلارو تصويبولو او د انتخاباتي بهير نظارت په غاړه لري . نوموړې اداره د انتخاباتو د قانون او د ولسمشر د فرمان په اساس تاسيس شوې او د انتخاباتو د خپلواک کميسيون او يونما (UNAMA) د انتخاباتي څانګې له موقتي يوځاې کېدنې (امتزاج ) څخه عبارت ده . په خاصه توګه ، د انتخاباتو د تنظيم ګډ دفتر د انتقالي دورې تر پايه پورې د انتخاباتو د خپلواک کميسيون له ټولو اختياراتو څخه برخمن دى .

د انتخاباتو د تنظيم ګډ دفتر ١٣ راې لرونکې غړي لري : ٩ افغان غړي د انتخاباتو له خپلواک کميسيون څخه، د ولسمشر لخوا ګمارل شوي دي ، او ٤ نړيوال غړي يې د يونما له انتخاباتي څانګې څخه خدمتي راليږل شوي دي . همدارنګه د انتخاباتو د تنظيم ګډ دفتر يو راې نه لرونکى غړى لري څوک چې د انتخاباتو د تنظيم ګډ دفتر دارالانشاء د انتخاباتو عمومي امر هم دى . د انتخاباتو د تنظيم د ګډ دفتر رئيس د کميسيون د غونډو مشرتوب په غاړه لري .

د انتخاباتو د تنظيم ګډ دفتر د انتخاباتو نيټه او د ١٣٨٣ د ولسي جرګې او ولايتي شورا ګانو مهال ويش ټاکلى دى . د انتخاباتو د تنظيم ګډ دفتر د انتخاباتي عملياتو تفصيلي اړخونو ته د پاملرنې لپاره فرعي کميټې تشکيل کړي دي . همدارنګه د انتخاباتو د تنظيم ګډ دفتر مسئوليت لري ترڅو د افغانستان د انتخاباتي پروسو پورې اړوندو موضوع ګانو کې ولسمشر او ملګرو ملتونو ته سپارښتنې وړاندې کوي .