سياسي ګوندونه د ملت جوړونې او د هېواد د بيا رغونې يو مهم عنصر دى. د انتخاباتو د تنظيم د ګډ دفتر دارالانشاء د انتخاباتو اړوندو بېلابېلو مسايلو کې د ټولو ثبت شويو سياسي ګوندونو استازو سره په پرله پسې توګه سلا مشورې کوي. دا سلامشورې د سياسي ګوندونو سره د سلامشورو په دوه اونېزې غوڼدې کې ترسره کېږي چېرته چې د انتخاباتو د بهير د وضعيت په هکله لنډ معلومات ورکول کېږي او هغوئ کولاى شي چې د انتخاباتو د تنظيم ګډ دفتر او د انتخاباتو دتنظيم د ګډ دفتر دارالانشاء د غړو سره په اړوندو مسائلو خبرې اترې وکړي.

د انتخاباتو د تنظيم د ګډ دفتر د دارالانشاء د بهرنيو اړيکو څانګه د يو شمېر موسسو او سازمانونو سره مرسته کوي ترڅو ټولو ثبت شويو سياسي ګوندونو، ټولنيزو سازمانونو، او د مدنې ټولنې نورو غړو ته چې د انتخاباتو د بهير او هېواد د دولتي موسسو د پرمختګ سره علاقه لري، پراخ او دقيق معلومات برابر کړي.