" زه باور لرم چې ډير خلک، په ځانګړي ډول ځوانان به ښځو ته رايه ورکړي. شځې سوله ييز فکر لري او له نارينه وو ډيرې بشر دوسته دي. ښځې جنګ سالارانې، مجرمينې يا د نيشه يي توکو قاچاقچيانې نه دي. "

"د دې هېواد قوت ځوانان دي. ډير شمېر ځوانان به رايه ورکړي او دوى به ځوان، ځيرک، ويښ کانديدان چې د دوى اعتماد وړ وي، انتخاب کړي."

"موږ دلته د يو سوله ييز او آباد افغانستان په خاطر د رايې ورکولو لپاره راغلي يوو. زما رايه يوازې زما لپاره نه، بلکې زما د اولاد او کورنۍ لپاره هم ده."

" زه ډېره خوشحاله يم چې د رايې ورکولو حق مې ترلاسه کړى؛ ما رايه ورکړه او زه خوشحاله يم".

" زه ډېرزيات خوشحاله يم چې خپل خلک د رايې ورکولو په حال کې وينم"، " څرګنده ده چې افغانان به له ٣٠ کلنو جګړو څخه وروسته د رايې ورکولو لپاره راووځي".

کله چې ٧٠ کلن ړوند ګنډونکى محمد حسن د خپل ١٢ کلن لمسي غلام حسين په وسيله د رايې ورکولو ځاى ته وړل کېده، هغه وويل: " دا د افغانانو لپاره يوه په زړه پورې ورځ ده ".

" زه يوازې سوله او د خپل لمسي لپاره سوله ايز ژوند غواړم. که موږ هڅه وکړو، نو خپلې ستونزې حل کولى شو. هغه ډاډ څرګند کړ چې د هغه د لمسي ژوند به دهغه په څېر ستونزمن نه وي. د ديموکراسي مانا داده چې موږ به خپلې ستونزې په خبرو حل کړو نه په جګړوسره- دا زما هيله ده".